Dhirtu way is xigataa
Is xanaanisaayoo
Xididkeeda hoosay
Xogaha iska siiyaan
Dhibta iyo xadgudubkiyo
Xayawaan jajabiyiyo
Xooleheena daaqiyo
Dadka xuladka galiyee
Gudin kula xarbiyayay
La xifaaltantaa oo
Xurguf iyo dagaal iyo
Xurmadiisa goysaa
Marka geed xanuunsado
Ama dhaawac xoogliyo
Uu gaadho nabar xuni
Ways xanaaniyaan oo
Xeelad lagu badbaadshiyo
Cudud bay ku xoojaan
Biyihiyo xareeday
Xididka iska siiyaan
Xaga sare ilayskay
Iska xoojiyaanoo
Daadkaa dhex xulayay
Xumbo kala hadhaanoo
Way is xiiso galiyaan
Xanta way yaqaanaan
Qofkastoo xumeeyana
Xogihiisa gaarkiyo
Dabciigisa xidhan bay
Sida xoolohoo kale
Urta ugu xambaaraan
Xaalkooda nololeed
Xeerar lagu badbaadiyo
Xukun bay dhisteenoo
Waa dawlad xoogbadan
Oo xaakimkeediyo
Madaxdeeda xulatoo
Darajiyo xil kala mudan.
Mohamed Eid