Gidaarkii dhaxantee
Nafta gaadh u noqdee
Aan ku hoos gam’ayaay
Garabkii midigee
Gadgadoonka aduun
Marka aan ku gafeen
Guuro fiirsi la’aan
Gacan ii fidisee
Gargaar ii noqotaay
Hooyaday gacalooy
Galool aan hadhsadaay
Gogol aan ku ladoon
Abaalkeed gudinoo
Isoo gaajo tirtaay
Hooyaday gacalooy
Gob isoo korsatoon
Iga qaadan gunoon
Sharaf ii gunudaay
Giniyaadka aduun
Iima goyn karayaan
Maalin aan gundhadoo
Qaydkii aad guntanayd
Mooday uu go’ayoo
Naxdin gaw la tidhee
Marka aad galbatee
Qabrigaaga gashee
Geeridaadu timaad
Guulle hooyo macaan
Abaalkaaga gudyoo
Janadiisa ku gee!!!