Qolof jooga Canadiyo
Qalbi tagay Hargaysoo
Adi kula qaxweeyiyo
Naftan lagugu qoofalay
Qayrkaa ma aragtoo
Quluubtaad ku tahay kali
Qudhaydii ma joogtoo
Anigoo qalfoof oo
Hadba kala qabooboo
Maalmo qiimo badaniyo
Farxad qaadanaynaan
Qarawgii ka toosaa
Quruxdiyo dadnimadaad
Maankii ku qaadoo
Laab kugu qabawdiyo
Wadne aad ku qurantoo
Quful kuugu xidhanyahay
Baan amar ka qaataa
Inaan qoys yagleeloo
Qormo aan wadaagnana
Qaadirbaan ka tuugaa
Salaadiyo qushuucdoo
Kugu qanacday laabtuye
Qadar kooban ii samir…..