Casar liiqa galab
Libdho cawl ah oo
Cidhifkana biyaha
Ku casaysayoo
Aan caad lahayn
Calmashada indhaha
Waa u caafimaad
Adna curub janooy
Caqligaygiyeey
Kaama caajisoo
Codkaagoo qudhaan
Ku cawaal baxaa
Caashaq bay sitoo
Cindigiyo niyada
Adigaa culoo
Ku casuumanoo
Curub iyo midhiyo
Cinab kaaga lulay
Dhul cagaaran oo
Carfayoo udgoon
Catiir lagu gam’iyo
Caw aan kuu dhigee
Mar uun ila cawee!