Dareen
Dareen i lulaa i sudhan
Qalbiga dakharbaa ku yaal
Kal daacad ah oon jeclaa
Duruuftuna riixdayoo
Intii dabar lagu tigtigay
Dunteedi wanaagsanayd
Dabuubteedii wacnayd
Dubkiyo jiidhkaa taboo
Hadaan doc kaleeto iyo
Asaageed aan dersana
Rooxaan didisaa jirtoo
Dambuun baan korodhsadaa
Darteed boqolaal u jaray
Jar iyo dawyo uga dhacay
Dulmiyo aafaad u galay
Dad aan waxba ii dhimayn
Xanuunkii kula dul dhacay
Doog iyo nabaraba ku dhigay
La’aanteed waan darsaday
Daraadeed waan han jabay
Jacaylkaan daawan jiray
Hadeerto la iiba diid
Waxbaa isku kaaya diray
Diirkii naxayaa i maqan
Daruur dhul abaarsadiyo
Badwayn ka dul hoortayoo
Dadkana nacfi aan u tarin
Sideeda u doorsamoo
Cidlada ku dareen burqaday
Dushayda iftiin sudhnaa
Dahriga nuur ka unkanaa
Dadkuna ila daawan jiray
Intay waayuhu dansheen
Ayay farxadii dileen
Dabeyl mugdiyay sudheen
Jacaylkaan dool u galay
Doolaalada aan u maray
Nasiibka dilaaciyoow
Adaa dhalay diiqadee
Hadmaad diihaalka iyo
Dayowgaba iiga tudhi?!
