Halabsiga alabsiga naftaan
Habeenkii saq dhexe
Heed heetin iyo
Ku jiraa hurgumo
Hawlahaan ku jiro
Waan hubinayaa
Hir magoolayay iyo
Mayay hooray iyo
Hadhac lagu nastaan
Hanka galiyayoo
Saan ku heli lahaa
Halgan baan u galay
Sida halo irmaan
Looga dhamo haneed
Ama haro biyo ah
Loogu haqab go’ee
Haraad loogu tiro
Yaan u heelanahoo
Waxaan halabsadaa
Hadba dawga uu
Hadhku iga jiroo
Hoynta guushu waa
Hadafkayga qudha.